[-••F•âٍ•Z•z•âٍ•3••-]

فمان الله يادربِ على الهجر يتحراني

خذاه الوقت من جنبي ولا جاني ولا جيته

قصيدي يا قصيدي اسكن فقلبي طرف ثاني

قبل يسكن بيوتي جنه وتمسي عفاريته

تعال اسأل نجوم الليل ياهاجر من ألهاني

وأنا أعلمگ بالوقت الطويل وكيف قضيته

بغيت أقوى على بعدگ وراح الصبر ما أمداني

أهز الشوق وإن طاح الوله بالحضن ضميته

ربيعي يا خريفي يا شتاي ويا صيفي الهاني

تراگ أنت الفصول وهجرة الشاعر وتشتيته

فضت كل الشوارع مالقيت اللي ترياني

مثل طفل طلع يلعب ورد ومالقى بيته

تحداني تحداني حبيبي لا تحداني

أنا لولاگ لحن الهجر والفرقا ماغنيته

تمنيتگ وقلت فخاطري ليته تمناني

وأنا ماكل واحد شافته عيني تمنيته

على كيفگ تذكرني على كيفگ تناساني

وأنا طاريگ ولا يوم في قلبي تناسيته

زرعتگ وردة حمرا تزين كل بستاني

ودفنت القلب في تربة مشاعرنا وخليته

أنا المجني عليه اللي يقدر طعنة الجاني

لأن جرحه يذكرني بطاريه لا حسيته






طاوعگ قلبگ تغيب وتهجر أحبابگ

تنسى غلاهم وتتركهم وتنساهم

حرام تترگ خفوق يشكي غيابگ

وأنته بقلبي اعز الناس واغلاهم

ناديت والصوت لا شدگ ولا يابگ

ياسيدي يا عديل الروح يا فاهم

وانت بوجه اشتياقي تغلق ابوابگ

وانا اقرب الناس من قلبگ و أوفاهم

نسيت حتى تقول اشفيگ وش صابگ

يوم الألم عذب عروقي واشقاهم

بديت ناس على ناسگ واصحابگ

مااتعبت نفسگ تدورهم وتلقاهم

نامت عيونگ ونام الليل باهدابگ

والي شكوا غيبتگ ذا النوم ماياهم

زادوا على جرحهم كم جرح باسبابگ

وان اقبل الليل صوت الجرح صحاهم

أرسل لگ عتاب قلبي و أحسب حسابگ

وأبياتي البيض دايم باسمگ ابداهم

يجبرني الشوق يجبرني على عتابگ

واتمنى تقرا وتعزف قبل تقراهم

لمت الخفوق الي اذا قابلگ هلا بگ

يااطيب الناس في عيني وأغلاهم

طاوعگ قلبگ تغيب وتهجر أحبابگ

تنسى غلاهم وتتركهم وتنساهم



فـ حفظ الرحمن

هــــنــــا

//

\\

//

\\

//

\\

//

\\

//

\\

//

\\

//

//

\\

//

\\

//

\\

//

\\

//

\\

//

\\

//

«¤§((IîI•»۩۞۩ فْـٍـِـٍـِـٍـِـٍـِـٍـِـٍـِـٍـِـٍـِـٍـِـٍ ـِـٍزَّاْعٌ ۩۞۩«•IîI))§¤»