[مش مصدومة]

محمد قويدر .. شخص استثنائي .. في شخصيته و صوته .. و تأثيره على الناس .. يعني هالانسان صعب انه يمر عليك مرور الكرام .. ممكن يحبه الواحد و ممكن يكرهه .. و في كل الأحوال .. حضوره يكون طاغي على المكان اللي هو فيه .. حتى في اليوميات .. بيكون الموضوع على طالب آخر .. بس العيون على قويدر يلي بزاوية المشهد .. سبحان الله .. هالحضور من عند الله .. و سمة مميزة بيتميز بها القليلون ..
اما عن سبب اعجابي به من البداية قبل المشاكل و بعد المشاكل و في لحظات الرواق و الهضامة .. و في اوقات الزعل و التعصيب ..:-
اولاً .. صوته جذبني .. قوة .. و دفء .. بيطير بيك لفوق ..و بتقدر تميزه من بين كل اصوات الفنانين .. يعني خامة مميزة و حلوة ..
ثانياً .. غموضه في البداية .. فحسيت انه ما بيتكلم كتير .. بس بيلاحظ كل شي .. و بيحلل الامور في راسه حتى يفهم الجميع حوله
ثالثاً .. تعرضه للظلم بشكل واضح و مفضوح .. و عدم تحمله لاستفزازاتهم .. بسبب الضغط اليي هو فيه .. و زي ما فهمنا منه انه مثل الطير الحر يحب يطلع و يشوف اصحابه .. و ما يحب الحبسه ..
رابعاً .. الاغاني اللي كان بيغنيها على الغيتار باستمرار .. هي نفسها الاغاني اللي انا احبها ..و حبه للغيتار اللي بيخليه يهدينا احلى الالحان .. مع احلى و ادفأ صوت ..
خامساً .. هضامته اللي اللي كانت فيه من الأول مع بعض الحذر .. و اللي بعدين و بتعوده على الاكاديمية و الطلاب زادت بعد ما اخذ راحته اكثر .. و خصوصاً في الاسابيع الاخيرة و الله كان بيموتني من الضحك ..
سادساً .. طباعه الرجولية و الاصيلة .. في انه صاحب صاحبه .. كلمته ما بتصير اثنين .. صراحته اللي بدون حدود .. و اللي اعتبرها كثيرين عيب فيه .. بس انا حبيتها لانه كان اوضح انسان شفته بحياتي .. ما بيخجل يقول انه واثق من نفسه انه احسن من الكل في الغناء .. و لا بيخجل يقول عن عيوبه .. عكس كل الطلاب اللي كانو اكيد بيحسبو حساب الكاميرات .. يعني هالتلقائية و هالشفافية اللي عنده بتخلينا ما نستغرب الزعل اللي ظهر عليه في البرايم النهائي .. و لو صار العكس ما رح يكون قويدر اللي عرفناه على طول اربع اشهر .. و كمان هو انسان خدوم لزملاءه كيف ما شفنا في الاكاديمية .. بس للأسف ما كانو بيجيبو الحاجات الحلوة اللي فيه ..
سادساً .. و هذا الاهم .. سحرنا هالشاب بوطنيته .. وحبه لبلده .. اكيد زي كل الطلاب .. بس بتفرق معاه في انه بيحب يعبر عنها .. و اللي عمله قويدر و ماعمله احد قبله .. انه حببنا في الاردن و احنا مش منها .. و الله .. انه حتى الاغاني الوطنية حبيناها من وراه و رددناها و حفظناها .. و هذا عمره ما صار في تاريخ برامج المواهب المختلفة ..و الحلو فيه انه بيحب يذكر الدول العربية الاخرى و يعبر عن احترامه لها .. و كل ما يتكلم واحد من الطلاب عن بلده بيوجه تحية لهالبلد ..
سابعاً ..واضح انه انسان كريم و مضياف .. بيحب دايما و في كل مرة يتكلم فيها عن الاردن (( و طبعاً هو دايما ما بينسى يذكر الاردن و شعبها و ملكها )) انه يدعو الطلاب لزيارة بلده و يوعدهم بالمنسف الاردني .. و اكبر دليل على كرمه و كرم اهله .. انه الناس كانو ماليين البيت لما استقبلوه بالاردن و هو فرحان بيهم كانهم اسرته ..
و في النهاية انا حبيت قويدر بكل ما فيه و استوعبته و استوعبت شخصيته و حبيتها مثل ما هي .. و مثلي كثار .. و خصوصاً عندنا بليبيا .. و الله اننا حبيناه كأنه ابن بلدنا او احنا ابناء بلده .. و لما واحد يخليك تحبه لدرجة انك تحب البلد اللي هو منها .. فهذا معناه انه رفع راس بلده فوق .. فوق .. و الحمد لله شفنا و رح نشوف كيف شعبه ردو اعتباره و كرموه ببلده .. احلى تكريم .. و مش بس الشعب .. الملك كمان .. و الله انه بيستاهل ..
و يا الله يا قويدر .. احنا بالوطني العربي كله .. بنستناك تملا الدنيا باغانيك و صوتك الحلو .. و روح يا قويدر الله معك .. و مبروك علينا فنان جديد .. بنفتخر فيه ..