[-••F•âٍ•Z•z•âٍ•3••-]

{ما كان له داعي}

جرحـت قلب الغرام وزدت فعنادك = تبغي الصراحة ترى ما كان له داعي

من أربع شهـور كـثـر الـصـد وش فـادك = ما غـيـر حـرضـت طـول اللـيل لإخضاعي

طـيرت الأشـواق مـن مـرفـاك و بـلادك = وذبلت رسايلك ما جاني بها ساعي

يا زين تتوقع الي حصل زادك = بالعكس ما زادك الا زاد فـاوجـاعي

الـي محيرني انك فالزعل عادك = لـلشك ولهرجـة الواشين تنصاعي

لا يكون شي في بالك صاير مرادك = اخاف قاعد تفكر تلوي ذراعي

هذا ولا الحلم سولفهـا عـلى رقادك = وشلون تبغـي تسـويها و انـا واعي

لو دمعـتك سولفـت لك بـود حـسـادك =كان الـرعـيـة تـقـيـم قيمـة الـراعي

مـن أربـع شهور وانـت مـطـول عـنادك = اسمع : ترى صدق ما للي حصل داعي

{جرح الصداقة}

كلما بنيت الحلم في القلب وكمل = قبل أعلنه يظهر صدى عداوته

وضحت همومي من ورى الخافق همل = وأحجامها حسب الوضع متفاوتة

و أنا العزيز اللي تشبث بالأمل = عسى يشوف من الزمن طراوته

درس الحياة القاسية لو اشتمل = على الجبابر لعرفوا قساوته

تلقى بعض تجارهم يمشي ثمل = مع الفقارى يرتشف حلاوته

والقاضي اللي في كلامه ما صمل = فاضي عمل مسترسل في فضاوته

كيف المطوع يخلف في قول وعمل = والمصحف الطاهر نسى تلاوته

قال المثل خل الجمل بما حمل = صافح عدوا ما يبين نقاوته

رجلا ضلوعه للحمل ما تحتمل = يحرم على رجلي حشى ما خاوته

مثل النعامه راسها تحت الرمل = ومن ظلها تشكي مدى ضراوته

جرح الصداقه في الظهر ما يندمل = عيت سنيني كلها ما داوته

{الدراهم}

اتحبني ولا تحب الدراهم = اختارلك وحدة علشان ماضيع

علاقة ما تنبني بالتفاهم = حتى تحت نور القمر يمكن تميع

ترى اهل الحب الحقيقي تراهم = مشجعين احساسهم دون تشجيع

صغيرهم يدري بقيمة غلاهم = لا يمكن تحصله معروض للبيع

مزروع في قلبي غلاك وعساهم = فدوة لبستانك وحصد المزاريع

مداك ما يشبه في عيني مداهم = يا ظبي يلي مرتعك في المرابيع

اذا زماني ما نصفني واذا هم = يبغونني انثر دموع التواديع

للحين بعده ما وصل مستواهم = المستوى شكر الحرار المطاليع

وصغار وعيوني لا يمكن تراهم = ما هي تشوف الا النجوم الملاميع

البحر ولا الموت انا كلاهم = اغرقهم واحبسهم ليابس الريع

الا اذا شفتك معاهم انساهم = كنك تقطع قلب مغليك تقطيع

لك محتوى يطغى على محتواهم = ويزيدني شوق ومحبة وتنويع

انت القمر والشمس ولا حداهم = انت الورود اليانعة والينابيع

اهل الحروب تجر لجلك حداهم = واهل الطرب تعزف لك اللحن تنويع

والاتقياء موحدين دعاهم = يحفظك ربي من عيون المقاليع

فرع وعلم هالبنات اش بلاهم = احبابك الموتى يا سيد المفاريع

في ارضهم جنة .. نجم في سماهم = اذاعة اهل الحسن وصوفك تذيع

من ما تطلع تراك حلاهم = اذا طلعت تصدع الناس تصديع

لكن لا تبعد بفكرك معاهم = لا الوصل يشرونه ولا الشوق للبيع

لو كل حاجة تنشرى بالدراهم = كان اشتريت العمر قدام لا يضيع

{هدهد سليمان}

تخاف الناس من ليلً هـذوا بـه عـقـب ما شافوا العالم غـدوا به

أنا لو مالقيت إلي لقيته لأسوي بالزمن أكبر أعجوبه

أنا دربي على العليا صنعـته ومن راد العلا يصنع دروبه

حكالـي هـدهـد سليمان عنهم وعن سـرٍ و أنا غايب حكوا به

ألا يا طير خبرني و أنا إلي مثل ذاك الجبل ياللي التقوا به

خويي الدرب ما يملك حبيبه يشوف الصاحبه غير محبوبه

قصيدي مثل ما العود المركز يدش الراس ويغير أسلوبه

صباح الخير يا أحمد محمد صباح يلعب بغـصنه هبوبه

أنا لولا المشاعر ما أتكلم عن اللي صادق أو صدقوا به

مشاعر شاعر يبغي يتحرك عقب ما كان صايبها رموا به

مدى الأيام لو تغريك تجهل فالعالم فنوا يومٍ اكتدوا به

وعلى درب المجامل والمنافق ألا يا كثر الناس قد مـشـوا به

وأنا رجلـي على الطيب اتخطـى وهي ماهـي على الطـيب مغصـوبه

ولكنـه طبع أبوي وطبع جدي بنوا لي مجد حسادي دروا به

و أنا إلي تصنع الأمجاد كفي مكان أبوي لامن غاب أنوبه

مجرد أبسط الخمـس ألاصابع على وجه الدهر تضفي عشوبه

أنا شاعر مميز في حياتي أسهل كل درب له صعوبه

وإذا تبغي بأبدل انجلـيزي و أترجـم لك بدون أية تعوبه

There Are days call of a distraction many feelings appear لما تروبه

The night and darkness has many relations it goes and comes والعالم مشوا به

إذا تكلمت عن يوم القيامة أحاسـيسي تفاجأ بها برعوبه

وبين الليل والظلما علاقة تجي وتروح والعالم بهـوا به

وأنا قلت البيوت إلي عجبتني ورحت بدرب مامنكم مـشـوا به

لو إن وجه الزمن عاقد حجاجه مدار الأرض تشكي من شحوبه

أحـس بظروف وقتي و أتفادى مصادمها لو إن ما منها صحوبه

وأحاول أمتلك عقل مفكر عباقرة الزمن ما فكروا به

كذا الإنسان احساس وعقـل قبل يبدا خطـاويه محسوبه

صنعت من الوعي مبدا تسامح لان ابن ادم كبار عيوبه

وقل للفهم ما ابدعت من نقد ما هو بصوبي ولاني بصوبه

لو إن نقد الحقيقه غير عادل لتلقى المجرم بدون أية عقوبه

بشوت سترها ماهو بضافي يحظـنها الكبير وكم ثوبه

جزاك الله خير يالليالي وذاك النجـم قوليله يا دوبه

يادوبه يقدر يضيء المجرة و أشعة شمسـنا تعلن غروبه

يا ليت البحر الاحمر يشرب إلي شربته لكن ما يقدر شروبه

مجمعة الحكي ماني بمنهم ولا أسولف بشي سولفو به

أعبر من إحساسي ما يصعب على التقليد وإلي قلدوا به

أحب الغيم لأن الغيم عالي يجسد كبرياءه في نصوبه

و أحب الطيبين ولي معاهم مثل ما للجنوبي من جنوبه

لأن مجدي مثل قصر الخليفه على الساس القوي شيدت أوبه

ولا ينقص مقامي عند غالي مدام ان هامة الطيب معصوبة

ترى كثر التجارب نجحتني وغيري كل يوم في رسوبه

أغني من طرب مرة ومره و أغني حس ياالنفس الطروبه

و خطى الطيب على الطيب جريمة لكن ما أعذربه لو عذربوا به

يناظرني بعيب ليس فيني رحمك الله لن تلقى مثوبه

ترى فصل الشتى يأتيك بارد لكن بالصيف تذبحك الرطوبه

مقادير الليالي مستمرة وسيع القفر ناس ضيقوا به

أرى خيل الزمن غارت علينا ونوقات الأحاسيس محلوبه

أجوب الأرض بأقدام المعزة ودرب ما يطاوعني ما أجوبه

لكن يا اغلى الحبايب وين دارك غدى قلبي من الفرقه لعوبه

حصان الشوق لأجل عينك سرجته ولا يصعب على مثلي ركوبه

تبسم كانك الفصل الربيعي تمخطر كنك امجاد العروبه

تثنى كن غصن اللاتثنى يذوب بهالهوى حتى يذوبه

يا ريح العود يالمسك اليماني عطور الشام لامن عيدوا به

تشبهني بخلق الله ظلما وانا قلبي مفاتنك كفروا به

ورب البيت اني قد شعرت بلحظات الفرح يوم الخطوبه

و على رمشك وعينك وخدينك سلام الله سلام ما يشوبه

كلام الـشـك والهرج المنمق والي ناظروه ومااشعروا به

أنا مؤمن بربي وألتجي به لو إن أهل الكفر ما آمنوا به

إلهي قد علمت بأن عبدك كسير القلب تقلقه ذنوبه

وكم كنت عـلى السراء فـضا وقد أعلنـت في السراء توبـه

لقد آن الأوان لدمع عين تصارع حزنها فـي كل نوبه