[abu el2ons]

احنا الاردنية معروفين بالطيبة والعاطفية, واحنا طول عمرنا اولاد أصول وما بنغلط على حد اللا لما ييجي فينا ومحمد فعلا بمثل طباع الاردنية :طيب,شهم,متميز, نشمي ,عنيد على حقه,ما بحط واطي لحدا مين ما كان,ما بعرف ينافق لمين ما كان ومع انه الناس بتغلط عليه برجع ضميره يأنبه على أغلاط ما برتكبها,وأهم اشي الوطنية

وهادا نفس اللي عم بصير معنا بالمنتدى ,احنا عمرنا ما كنا عدائيين ولا بنحب نغلط على حدا وبنحب كل اخواننا العرب من كل البلدان والكل بعرف انه أي عربي بزور الاردن بنعامله زي كأنه ابن بلدنا قديش في عنا طلاب من دول الخليج وسوريا وفلسطين والمغرب العربي عم بنعاملهم زي كأنهم منا وفينا,

اللي عم بصير انه في ناس عم تدخل عمنتدى محبين محمد وبتحط مواضيع بتسيء اله ولكل الاردنية ,وأنا بحكي لكل واحد ما بحب محمد أو الاردن وشعبه ما ييجي أصلا على منتداه لأنه عم تضطرونا ننزل لمستوى واطي ما بليق فينا ونرد عليكو بنفس أسلوبكم,

والمشكلة لاننا أردنية والطيبة بدمنا بنرجع نضايق لما نرد على حدا بنفس أسلوبه حتى لو كان حقنا ندافع عن حالنا,

فيا جماعة اللي ما بحب الاردن وشعبه ما يفوت عالمنتدى ما بدنا نغلط عحدا كلنا اخوان واحنا بنحب كل اخواننا العرب من كل الجنسيات وبنعرف كمان انه محمد اله محبينه وجمهوره عند كل اخواننا العرب.