شهناز تتهم أمل بأنها سحـ........ اخص عليكي يا شهناز

[أحمد الصمادي]

كان الكلام فى الأول عن أمل بشوشة و انه حصل موقف بينها و بين شهيناز وقت النومينيشن و ان شهيناز اتضايقت لأن أمل فهمتها غلط و عرفت شهيناز بعد كده ان أمل بشوشه عصبية وده من طبعها و قالت لنادر انها هى و أمل محلاوى لاحظوا أمل بشوشة فى مواقف كثيرة و اتفقوا على نفس الموضوع فقال نادر ان أمل ساعات بتفهم الأمور غلط فرد عبدلله انه من بداية دخوله الأكاديمية و هو بعيد عنها و علاقته معاها سطحية فردت شهيناز يمكن عدم التفاهم نابع من اختلاف السن فرد عبدالله ان هذا ليس السبب لأنه على صداقة ب3 بنات اكبر منه و الموضوع عادى وقال لنادر أنا قلتلها مين أقرب 3 بنات واللى بستريحلهم فقالت شهيناز لنادر أنا و ضياء و ميرهان....قال نادر بعد كده بس هى طيبة فقالت شهيناز آه فعلا وبرضه قال كده عبدالله........بعد كده قربت شهيناز من نادر و بكل دلع و بصوت رقيق وهى بتلعب بشعرها مين أقرب بنات ليك ......نادر ما قالش حاجة وبعد كده دخل فى موضوع تانى وقال ان فى مشاكل بينها و بين ميرهان فقالت شهيناز صح بس مش ميرهان بس و أعتقد ان شهيناز قصدها على ضياء بسبب موضوع سعد....قال نادر انهم مش مبينين ان فى حاجة ....فقالتله ان ده كويس ...فرد عليها طب ليه فى مشاكل فقالتله معرفش الحاجات اللى زى دى بتتولد زى ما انتو الشباب تعاملكم معانا احنا البنات مختلف عن تعاملكم مع بعض كشباب كذلك احنا زى ما انتو عارفين عن بعض حاجات احنا مش عارفينها برضه احنا و قالت الحمدلله أنا معنديش مشاكل مع حد ( مع ان مشاكلها مع محمد لا تعد و لا تحصى )......و راحت مقربه من نادر أوى و قالتله بصوت واطى جدا انه بالاجماع ان ميرهان و بشوشة أوفر أوفر...فرد قال آه أنا بعرف التانية ....بعد كده قال بس هى مهضومة ( عن ميرهان ) فقالت شهيناز بصوت غريب أه ه ه ه و قالتله أنا هسألك سؤال و ترد عليا بصراحة ....فهم نادر السؤال ( انت بتحب أو معجب بميرهان ) و قالها براس أمى لأ قالتله لأ ده آه و نص...فقالها لأ ده أنا عندى اللى أحلى منها فقالتله شهيناز أه ماشى بس هنا فى الأكاديمية حاجة تانية و لما تطلع كله هيتبخر ..قال عبدالله آه منك يا شهيناز ده انتى مرعبة قالتله أه أنا سوسة.


بالمناسبة فى ناس كتير أوى قاله ان شهيناز قالت لنادر تصرفاتك مع ميرهان هى اللى أوفر يعنى كلامها عن نادر مش ميرهان ...طيب ردا للكلام ده أنا عايزاكم تشوفى الفيديو مرة تانية و هتسمعوا ان هى قالت ميرهان و بشوشة أوفر و الدليل انه رد عليها آه أنا عارف التانية يعنى معنى كده انها اتكلمت عن شخصين و ليس شخص واحد ....و بعد كده قال بس هى مهضومة ( على ميرهان ) و ده معناه انها قالت حاجة مش كويسة عن ميرهان علشان هو يرد و يقول بس هى مهضومة


و ده الفيديو
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

و حاجة تانية عايزة أقولها حتى لو فعلا كل كلمة قالتها شهيناز صح هى مش من حقها انها تتكلم فيها مع حد .....الأفضل انها تحتفظ بيها لنفسها مش تنشرها لأن ده فى حد ذاته أكبر غلط و المفروض بعد كمية ال اس ام اسات اللى جات ضد شهيناز بسبب موضوع منال و ميرهان كان من الأفضل انها تسكت و متكلمش فى الموضوع تانى علشان محدش يفهم غلط حتى لو كان نادر هو اللى فتح الموضوع...المفروض انها متعيش دور النصايح.
و بعدين لو هى بتقول كلام كويس ليه بتتكلم بطريقة الوشوشة؟؟؟؟؟......
والبنت الصح هى اللى ما تتكلمش عن حد من وراه مهما حصل و مهما كان السبب حلو أو وحش
و اللى أنا مستغرباه ان قبليها بيوم كانت بتبكى بسبب الكلام اللى قالتهولها أختها و الوحيده اللى وقفت جنبها و شجعتها و حضنتها وطبطبت عليها هى ميرهان من رغم ان أقرب واحده لشهيناز هى ضياء و لكن ضياء كانت مشغولة وقتها بتحضير الشنط.
و الغريب و اللى أنا ملاحظاه ان شهيناز طول الوقت ورا نادر فى الرايحة وفى الجاية و دايما تتكلم معاه مش دى حاجة غريبة من امتى يعنى شهيناز و نادر بقوا اصحاب ....و بعدين شهيناز مش رفيقة نادر علشان تنصحه لا هى تعرفه من خارج الأكاديمية و لا صاحبته الأنتيم داخل الأكاديمية...و اللى بيضحكنى لما قالتله منال دى جوهرة بتتكلم و كأنها تعرف منال و أنها صاحبتها و انهم علطول مع بعض.

قرب ضياء من شهيناز خلاها تتكلم زيها.....ملاحظين.

فى حاجة تانية عايزة أعرف رأيكم فيها بعد اللى حصل فى موضوع نادر و ضياء و شهيناز ...أصبحت محلاوى هيا أقرب واحدة لميرهان بدل ضياء و الغريب انو اليومين دول شهيناز بقت تقرب من محلاوى ....يعنى ضياء و محلاوى مرة واحدة .....بدات تخطفهم.
و بالنسبة للولاد فبعد مصطفى يأتى نادر و زاهر أقرب اتنين لميرهان و لكن برضه لو تلاحظوا ان شهيناز بتحاول تقرب منهم و خصوصا نادر...........صدفة صح.

معظم الناس بتشكك فى أخلاق ميرهان بسبب لبسها مع ان الأخلاق مش لبس و بس كمان تصرفات و كلام ......و أنا بصراحة و خصوصا الفترة دى مش عاجبنى تصرفات و كلام شهيناز .

و بعدين فى حاجة تانية..... لو فعلا فى حاجة بين بشوشة و ميرهان ليه ما بيجيبوهاش فى اليوميات ....و برضه لو فعلا بشوشة و ميرهان مش عايزين يبينوا ان فى حاجة مابينهم ....فدلوقتى كل حاجة بانت بسبب كلام شهيناز .

أنا فى رأيى شايفه انه نادر طول الوقت ورا ميرهان من السفرة للغرفة للمسرح فى كل حتة و هى ولا هممها و بتعامله زيه زى زاهر و زى عبدالله و زى سعد.

و من المواقف التى يجب ذكرها موقف بين نادر و وسعد عن ميرهان .....من يومين تقريبا...كانوا قاعدين على السفرة بياكلوا و قعدوا يتكلموا عن ميرهان بهزار و كل خمس دقائق يقول نادر لميرهان يؤبشنى هالجمال أنا شكلى كده هبوظ البرنامج و لاحظوا بعد كده ان ميرهان بدات تضايق من الكلام ده و قعدت تقول أنا تعبانة وداخلة أنام فسعد قال بصوت واطى لنادر تحب تقوم تساعدها قعدوا يضحكوا و بعد كده قام نادر و قعد جنبها و قعد يتأسف فترة طويلة ....

ما بين ميرهان و شهيناز ...شهيناز مشاكلها كتيرة أوى مع محمد و دايما خناقات كبيرة و شتايم فظيعة بيقولهالها أما ميرهان خناقاتها مع محمد مش خناقات أصلا لأنها كانت حاجات صغيرة و بسيطة جدا و يمكن المرة الوحيده اللى حصل موضوع كبير كان موضوع سرير مصطفى...و دار بطريقة كويسة جدا و بنقاشات من غير شتايم و لا علو صوت و انتهى بان محمد رجع السرير زى ما كان و الاختلاف بين الاتنين ميرهان و شهيناز بالنسبة لمحمد لأنه من الأشخاص الأكثر جدلا فى الموضوع هو أنه قبل كده فى أول البرنامج قال انه الاتنين اللى ما يقدرش يزعلهم هما أمل بشوشة و ميرهان و بالفعل هما أقل ناس عمل معاهم مواضيع .....و كمان ميرهان بتعرف ازاى تدخل فى نقاش و تطلع منه منتصرة لأنها بتستخدم العقل مش العواطف اللى ممكن تخليها تتعصب و تقلب واحدة تانية ....بس أنا ممكن أقول انها عملت استثناء لمصطفى فى موضوع العواطف .د

يس بعد كل ده....... شهيناز صوتها حلووووووو أوى...........بس فعلا صدق اللى قال ان مافيش انسان كامل .




ولا تنسوا قويدر مان على شان أمل

[نجوووومة]

خخخخخخخخخخخخخخخخخ
شهيناز كلها عقد في عقد
و بتغار من الاحسن منها .. و بتعمل المستحيل منشان تبينو الاسوء
وانا معك صوتا حلو كتيييييير ..
لو كانت ببرنامج سوبر ستار كانت طلعت احلى..يعني ما يبين المستور
بس من سوء حظها طلعت بستار اكاديمي يعني الكل صار يعرفها على حقيقتها
هي و كتير عالم .. اما ميرهان فكانت طيبه و محترمه بالاول بس اتغيرت 180 درجه بعدين
و باعتقد انو هيي يلي كانت تلاحق نادر .. و بعد ما قال انو ما فيه يحب غير منال
صرفت النظر عنو و راحت لمصطفى
يعني هالسنه الناس ما اجت منشان الغنا
الظاهر عرفوا انو الشباب في طريق الانقراض خخخخخ
و صاروا يلقطو اي شب بتشوفو عيونهم
مراهقااات يا حرااام

بس عن جد عن جد ..
احسن و احلى واطيب واحده بهالموسم هي امـــل بوشوشه
ماشاء الله عليها
وااو
كلها ادب و حلااااااااوه وشياكه وعقل كبييييير
و ما قالت ولا عملت شي بيخجل
...
يعني هيي الوحيده يلي دخلت البرنامج بهدف الغناء
الله يوفقها..

وان شاء الله محمممممممد ستاراك