هل تؤيدون قيادة المراه السعوديه للسياره ؟ ولماذا ؟

[الروووووح]

هند : يمى انا بروح السوق وبعدين وبروح الميكانيكي بصلح السياره .
الام : الله معاك وولكن لاتتاخرين لاني مواعده ام سالم في البحر بسرعه ( الاب متوفي بحادث سياره مثل كل الناس اللي راحوا ضحياا من الحوادث ).
هند : ان شاء الله يمى .
الاخت : تكفين هند بروح معك طفشانه .
هند : يوووووه تراك طفشتيني خلي اخوي يشتريلك سياره .
الاخ وكان تووه واصل من العمل وتعبان ) وين رايحه
هند : ابروح السوق واجي بسرعه
الاخ :طيب غطي وجهك زين وتعالي مع شمال البيت عشان زملائي ما يشوفونك واهم شي غطي وجهك لاتفضحينا
هند زعلانه :طيب طيب
راحت هند السوق وتاخرت وكانت تبي تروح السووق لكن الوقت متاخر ولا زم ترجع .
وفي طريقها للبيت بنشر الكفر . وكان الوقت متاخر وما فيه سيارات كثير وماتقدر توقف احد( وكان جوالها مفصول ) لانهم كلهم شباب وحبت هند انها توقف الاجانب لانهم احسن من الشباب السعودي القليق الادب ( حسب رايها ) ووقفت سياره وطلع باكستاني واخذ الكفر وفكه لكن هند ما عندها استبنه ( كفر احتياطي ) واخذ الباكستاني الطيب الكفر وحطه في شنطة سيارته( وكان البشر بعيد عنهم ) ويقول : صديق نص ساعه ورشه
هند : لا انا اخاف اقعد لوحدي في الليل .
الباكستاني : ايش سوي صديق
هند : هااا . وش اسوي ياربي... . صديق انت معاك جوال؟
الباكستاني : لا صديق ما فيه جوال . جوال هذا مشكله كل شويه شحن هذا كلام فاضي فلوس ما فيه ....
هند : طيب خلاص خلاص . وركبت هند مع الباكستاني . وراحوا صلحوا الكفر وهم راجعين
قالت هند : شكرا صديق انت كويس
الباكستاني ههه لا صديق ما فيه مشكله
المهم هند ركبت سيارتها بعد ما صلحت الكفر و في طريقها للبيت حست بالحر ونزلت قزاز السياره ( وكان المكيف مافيه فريون ) وفجأه طار غطاء وجهاا من السياره ومددت يدها بتاخذه وفقدت توازن السياره وانقلبت وجاء الاسعاف ووداها المستشفى .
المستشفى : الو هذا بيت عمر ابو احمد
الام : ايه هذا ..وكانت الام قلقانه من تاخر بنتها هند
المستشفى : بنتك هند في المستشفى صار عليها حادث . طبعا الام رمت السماعه وبدت تصيح وراحت تصحي ابنها احمد الوحيد من الذكور وهو اللي كان دايم يتحمل مصايب اخواته اللي عمتهم الدنيا وحب التقليد لا وامهم بعد ! . المهم راحت الام تصحي احمد اللي نام وهو منهك جدا
الام : احمد احمد قوم قوم
احمد : قام مفجوع ويقول هند هند وينهي
قالت الام : بسم الله عليك يا احمد اشفيك
احمد : هااا لا لا ولا شي بس شفت كابوس .
الام : قوم صلي الفجر وودي خواتك الجامعه
احمد : من عيووني اللحين هوااا .. طالعت الام في احمد مستغربه لانه كان دايم يطفشهم وما يصحى بسهوله وما يوديهم الا بعد طلوع الروح
........................................ .......................(.مجرررررد حلم وسيبقى حلم الى الابد )ان شاء الله [ وتقبلواااااااا تحياتي يا احلى اصدقااااااء ( من بنات افكاري )

[سعود]

اخوي سعد مشكور على طرح هذا الموضوع
بالنسبه لي من المعارضين لقياده المراه للسياره ليس من باب العنصريه او من باب العادات والتقاليد
لكن يمكن ان يكون من المخاطر اللتي قد تصاحب هذه الفكره ولا تخفى على الجميع بما انه مجتمع الفكره هاذي جديده علينا وانا اتوقع مع احترامي لكل البنات <والله تبطون تسوقون>
ويعطيك العافيه اخوي سعد

[دمعكـ الطاهر]

يعطيكـ العافيه أخوي سعد ... على الموضوع ...

أنا ضد قيادة المرأة للسياره بس مو ضد تعليمها ... يعني في أوقات لازم المرأة تقود السيارهـ

مثال بسيط واحد مع زوجته مسافرين عن طريق البر بسيارتهم الخاصة وفجأه الزوج لا سمح الله

يكون صار فيه شي تعب ما قدر يكمل القيادهـ هل معناته خلاص ما راح يكون فيه حل ... وقت الضروة

لازم المرأة تقود ... ولازم يتم تعليمها مسبقاً

تقبل مروري ..

[دمعة قلم جف حبرها]

تتعلم ايوا لكن تسوق لا << -

ما أأيد سواقتهم ابدا... ولكن اشجع فكرة تعليمهم للسواقة للضرورة فقط
بعدين بدون ما هم يسوقون زحمه كيف لو يسوقون وش بيصير

شكرا اخوي ع الطرح




يعطيك العافيه اخوي سعد على الطرح الرائع

[بغمزه طيحت خمسه]

والله انا وودي اتعلم السوواقه

بس حااسه انوو الاولد محا يسبوونا في حالنا فخلينا كذا احسن


تقبل مروووري البسيط اختك


بغمزه طيحت خمسه