عدنان ولينا ....باللهجة السعوديه..

[رقة قمر]

[center]

السلام عليكم
جبت لكم عدنان ولينا بس فـــــــــــــــله

[b](عدنان) : شفيك يالينا معصبه؟

(لينا) : مدري ياخوك أحس اني بنخطف زي كل مره!..

(عدنان) : يهبووون سميرة وعلام وكل جنود القلعه..

(لينا) : مانيب مرتاحه أحس اني " قبسه" وشكلهم بيخطفوني..

(عدنان) : اللي يقرب منك بتوطاه هنااااااااااا وأدوووس على خشته وأوطا في بطنه..

(لينا) : يابعد قلبي ياعدنان... أنا اشهد انك ذيب..

(عدنان) : احم احم تسلمين.. المهم وين عبسي؟؟

(لينا) : مدري يمكن يصيد ضفادع عشان الغداء..

(عدنان) : وع الله يقرفه ذا الشين... المشكله انه خويي ولازم اتحمل بلاويه,,

(لينا) : يمه يمه .. أسمع صوووت طيارة سميرة يااااويلي!!

(عدنان) : لاتخافين وقفي وراااي واللي يقول عن نفسه رجال يقرب منك

,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,, ,,,,,
تابع
**سميره مع الجنود نزلو من الطياره**

**سميره تتكلم بالمايك من بعيد**


(سميره) : سلم نفسك ياعدنان ولاتــرز خشتك ="وجهك"

(عدنان) : اقول انقلعي بس ولايكثر وارجعي من محل ماجيتي

(سميره) : انزح وراك... وخلنا نخطف لينا براحتنا

(عدنان) : يخطفك جني يالساااااحره.. اللي يرشها بالميه ارشه بالدم..

(سميره) : اقول لاتتميلح وتسوي نفسك مصري اوكي!

(عدنان) : لينا ماتبيكم ولا تبي عيشتكم.. لينا خطيبتي وانا متكفل بكل مصاريفها

(سميره) : الله واكبر على المصاريف؟ كلها فستان واحد وطق لونه من كثر الغسيل


(عدنان) <<<< طاح وجهه هع هع


(لينا) : انتي عاوزه ايه؟ انا موش هينا انا خرجت بره..

(سميره) : اقول انطمي انتي الثانيه لاتسوين نفسك مصريه وتلعبين علي... ترى حركاتكم هذي معروفه..

(عدنان) : ماعاش اللي يقول حق لينا انطمي... شكلي بشوتك باند من الجزيره**صارت معركة قوية بين عدنان والجنود**

**في البداية عدنان صفقهم وبعد شوي طاح في الارض وتوطو بطنه**

**الجنود خطفو لينا في الطياره وانطلقو الى القلعة**


(عبسي) : عدنان لماذا أنت نايم؟ شفيك؟؟

(عدنان) : آآآي.. اح..اح ضلوعي متكسرة والركب تتصافق يؤؤؤ

(عبسي) : لماذا؟ ماذا حدث؟

(عدنان) : اقول انطم بس... سميرة والجنود كانو هنا وتمردغوني وخذو لينا للقلعه

(عبسي) : افا ياذا العلم؟ لماذا لم تناديني عشان أفزع معك؟

(عدنان) : وأنا وش عرفني في اي جحر انت؟ طوول يومك تحووس ورى هالضبان والضفادع اقرفتنا في عيشتنا ياشيخ..

(عبسي) : طيب ماذا سنفعل الحين؟

(عدنان) : ابيك تراقب الميناء اذا شفت سفينة القبطان نامق علمني عشان نطمر فيها

(عبسي) : حسنا ياسيدي <<<< ماسكه معه الفصحى خخخخخخ
**بعد ساعتين مرت السفينه**


(عبسي) : عدناااان وصلت السفينه هيااا بنا

(عدنان) : اسمع خلنا نتوزى ="نتخبى" في المخزن حق السفينة واذا وصلنا للقلعه ننطلق ورى لينا..


**وصلت السفينة الى القلعة**


(عدنان) : أنا بروح أدور لينا.. وأنت وش بتسوي؟

(عبسي) : أنا بفتح اللاب توب وأشيك على ايملاتي لين ترجعون <<<< وشو له جاي!!؟؟ لووووووووووول خخخخخخخ...

(عدنان) : انتبه لاحد يشوفك وتوهقنا!! ترى كلها ساعه نسحب لينا ونعود ديرتنا..

(عبسي) : لاتخاف اذا حد شافني بقولهم انا " برب " في المنتدى!!..

**عدنان وصل الى غرفة لينا ويكلمها من ورى الشباك **


(عدنان) : حياتي " ليونه " وحشتيني <<< حلوه ليونه ^_^لوووووووول

(لينا) : هلا والله... ولكمووووووووو نورت ا.. شخبارك؟ شخبار الوالده؟

(عدنان) : يسلمووووووووو... كلنا بخير ومشتاقين لك

تابع


(لينا) : تشتاق لكم العافية

(عدنان) : وانتي شلونتس؟ وش علومتس؟ خخخخخ عدنان انقلب سـام هاهاها...
(لينا) : يووووه انا طفشانه مررره وكل شوي يطقوني..

(عدنان) : ولايهمك أوريهم... على فكره ترى عبسي جاء معي ويسلم عليك..

(لينا) : وينه الشين؟؟ شخباره؟ عساه طيب؟

(عدنان) : ابشرك بخير ونعمة... والرجال يحترينا عند السفينه

(لينا) : طيب يالله انقذني بسرعه وراك تحب السواليف؟

(عدنان) : ابعدي شوي تراني بضرب القزازه براسي واكسرها

** تم انقاذ لينا وانطلقو الى السفينه***


(عدنان) : عبسي يالله سرينااااااا

(عبسي) :ولكموووووووو نورت هلا وغلا

(لينا) : ياشباب ترى سميره تركض ورانا بالمشعاب.. بسرعه نبغا نهرب في السفينه

(عبسي) : المصيبة ان القبطان نامق نايم مع وجهه

(عدنان) : دق عليه جوااال وخله يصحى ماعاد فيه وقت

**اتصــــــال**



(نامق) : الووو.. مين معي؟

(عبسي) : نامق تكفى ترى تكفى تهز رجال

(نامق) : ابشر بعزك... امر وش بغيت؟

(عبسي) : قم شغل السفينه وخذنا معك نبغا نهرب من سميره

(نامق) :ياويل حظي لاتقول سميره ترى اخق من طاريها

(عبسي) : اقول بلا هذره اخلص علينا نبغا نفرك من هنا

(نامق) : اوكي تعال السفينة وماعليك انا بتصرف

**ركبو السفينة ونامق نزل عشان يتكلم مع سميره**


تابع



(سميره) : وينهم؟ وين خبيتهم؟؟ اعترف؟

(نامق) : ياويل حالي.. عليك عيون ماهيب صاحيه

(سميره) : اقول تقلع بس.. وين لينا؟؟

(نامق) : سميره مستعد أعطيك لينا لكن عطيني قلبك تراني خقيت واللي كان كان..

(سميره) : هاهاهاها ضحكتني... قلبي وش تبي فيه؟

(نامق) : اويلااااه على قلبك.. أبيك تكونين حبيبتي وتاخذين رقمي ونسولف تالي الليل مثل هالمراهقين!!..

(سميره) : يارجال استح على وجهك ترى جوالي سوا <<<< يعني افهمها واشحن لوووووووووول

(نامق) : كل بطاقات السوا تفداااااك بس خليني اسكن قلبك لو ليله وحده كح كح..

(سميره) <<<< تناظر في جزمتها يقالها مستحيه هع هع..

(نامق) : وش فيك تناظرين جزمتك؟ ناويه تضربيني صح؟

(سميره) : لا شدعوه... بس كنت أفكر في جوال N 70 يقولون فيه بلوتوث وحركات..

(نامق) : شركة نوكيا بكبرها ماتغلى عليك ياقلبي..

(سميره) : يؤيؤ لهدرجه تحبني؟؟


**عدنان طل براسه من السفينه**


(عدنان) : ماخلصتو انتو؟؟ ياخي رقمها وفكنا... نبي نمشي..

(سميره) : تمشي في عينك.. أنا بروح معكم لووووووووووووول..

(نامق) : تفضلي ياقلبي ادخلي برجلك اليمين...

(لينا) : يمه يمه.. سميره بتروح معنا؟؟ أنا خايفه تضربني..

(عدنان) : لا تخافين... نامق مسيطر على الوضع..

(عبسي) : كفوو نامق.. الحين نقدر نعيش مرتاحين ..

** اغنية النهاية **

اصدقائي ياصحاب..
من بنات وشباب...
نلتقي هذا اللقاء...
نلتقي.....
تجمعناالمودة.. يجمعنا الوفاء...
تجمعنا الهبالة.. يجمعنا الاخاء...
ونلتقي بفرحة... بفرحة نلتقي...
مثل طيورالسماء...
نلتقي يا أصدقاء


منقوووووووووول

[؛°`°؛¤نور العين¤؛°`°؛]

مشكوووووووووووووووووره يارقت قمر

[دمعكـ الطاهر]

هههههههههه

مشكورهـ يا رقة قمر وناسهـ

قرأتها وحسيت كأني عايش معاهم

تسلم يدكـ

[رقة قمر]

نور العين 2009
شكرا على مرورك

[رقة قمر]

دمعك الطاهر
شكرا على مرورك
نورت الموضوع