الديوان الشعري

[-••F•âٍ•Z•z•âٍ•3••-]

الشـاعـر : حمدان بـن محمد بن راشد آل مكتوم

{مهرة العام}

يا مهرة العام لا والله غديتي فرس = ترفقي كن عطرك ريح حرب وصهيل

العام تمشين وماحولج رجال وحرس = والحين تمشين ورقاب الخلايق تميل

استغربتك الكنايس حس مشيك جرس = واستغربتك الحدايق رمش عينك ظليل

جندلتي القلب والعاشق طويل المرس = حي ولكن تركتي في المحاني قتيل

من جيتي فالحب سيفه بالخفـوق انغرس = والليل يقصر بشوفك وان سريتي طويل

ما كني العاشق الي فـي زمانه درس = وما كني إلا من أسباب المحبه هزيل

حلفت ما اعشق مدام الحب طبعه شرس = مالي ومال المحبه والشقا والـخليل

دخلت بحر المحبة يالهنوف الفرس = وقامت تلاقف بي امـواجه وضاع الدليل

{السمو والمعالي}

لونقول ان المراجل مالها رجال غيره = العفو يارب لو قلنا كذه قالوا تعالي

في غيره بس تختاله لوحده في الجزيره = مثل مايختار راعي الذوق سحب من خيالي

هو نموذج للعدل والدار بأفعاله جديره = من مراجل سيدي تلتف هامات الرجالي

شفت دبي المستبدة بالحلى والمستديره = في ظلاله كيف صارلها من كفوفه ظلالي

العوالي عسرة ودروب مرقاها عسيره = والذي مايستلد العسر مايرقى العوالي

ياطموح مواطن رجله على دربه قصيره = وان ذكرك تسوقه الخطوه على روس الجبالي

وان ذكرتك مالت بيوت القصيد المستديره = روسها لي لين اقولها على شأنه تعالي

عادني في الميم الاول من حروف اسم المغيره = اكملت قدام اكمل حاء وميم ودال تالي

حاء حمد وميم مجد ودال دار به منيره = كل حرف من حروف اسمه على القيفان غالي

تكثر باسمه قلايل لان مداته كثيره = ولان أوصافه كثيرة لكن أمثاله قلالي

ماهو بطير السعد لا والله الا السعد طيره = علم أصحاب السمو وعلم اصحاب المعالي

يفهمون ان المكارم كنز وامجاد وذخيره = حطه الله في يدين القايد الرجل المتالي

حطه الله في ايدين محمد وهلت وفيره = وارتوت منه الشعوب وربعت منها المفالي

من صنع للدار عز ومن بنى بالبحر ديره = يستحق يقال فيه من الثنى مالا يقالى

حاكما كفه وأصابعها سنابلها بخيره = انجزت في ظرف ليله صرح يحتاج لليالي

سنبله تبنى عمار وسنبلة تغنى فقيره = وسنبلة ماتعترف بالي يسمونه محالي

والنجاح الى بزغ ماهو بمنقطع نظيره = الا ماله لانظير ولا شبيه ولامتالي

والبحر والموج والحلم ومعانيه الخطيره = من صفاته كلها ولا يقول كلها لي

فيه غيرة للوطن والدين ولافيه غيره = من يسولف كل مجد بعزته والراس عالي

كل يوم نشوف صرح يلهم العقل ويحيره = يعني التكرار ماله في مخططها مجالي

والثنى والحمد للي كل مسلم يستجيره = واللي مافيه غيره في السماء والارض والي

تم لابو راشد خوي الشعب محمود السريره = دامه الله للمواطن وللوطن في وضلالي

كل خطوة من قدم رجله لها مجد ومسيره = وكل كلمة من فمه فخر وطموحات وأمالي

ياسليل المجد تكفيني عن اشياء كثيره = انت ابويا وانت عمي وانت خويا وانت خالي

اخذت من الشهر الفضيل أيامه العشر الاخيره = واخدت من العشر الاواخر ليلة غير الليالي

{قلوبنا قبرك}

الحزن طعمه مر والفرقه أمر = وايامنا تقسى علينا بظروفها

اللي عليك دموع شعبك تنهمر = مواطنين بلادنا وضيوفها

لوتمنحك الاعمار وانت اغلى عمر = معروفك مغطي على معروفها

من يقنع القبار ما يحفر قبر = قلوبنا قبرك ياليت تشوفها

الارض لو تملك احاسيس ونظر = كان استحت ماتدفنك في جوفها

والشمس لو تكسف على موت البشر = في يوم موتك صار يوم كسوفها

لكن نؤمن بالقضاء وبالقدر = وماجابت الدنيا لنا بصدوفها

يكفي ايديك من المكارم والفخر = ان الفقارى عاشت من كفوفها

فيك السحاب يعزي غصون الشجر= الى ذعاذيع الهوى تلوفها

حتى القصيدة لوبغيت اكتب شطر = ماطاوعتني في رثاك حروفها

ليتك مسافر ننتظره من الشعر = كان الامل هدى النفوس وخوفها

لكن انا بسئل سؤال مختصر = عن المواطن في البلد وظيوفها

اهل الكتوف الي تشيلك للقبر = ويش هو شعور قلوبها لكتوفها ؟!

{أنا أنا}

الحب لو ما يغرقك شوق واشجان = وتعن من تلقاء نفسك خيوله

وتاسسه تاسيس دوله بعنوان = وتعيش حاكم حب والشوق دوله

تبددت كل المشاعر على شان = لان الحياة بلا مشاعر خجوله

أنـا أنا لو عشت في كل الازمان = شخصيتي لي والغلا للي هو له

الـهنا يا اللي تقول ان الوعد حان = تعال قلي والفلم وش هي فصوله

مجامل واهات وجروح واحزان = وانا مرشحكم لدور البطوله

يمكن اجامل ناس احيان واحيان = الا مصيري ليه اقول انسجوله

ان قلتوا استبداد رديت والان = تذكروا احلى فصول الطفوله

عطيتكم منها لآلئ ومرجان = واليوم خلوني بدور الرجوله

ترى الغلا زوده مع الوقت نقصان = الى من يحبك تغير ميوله

هذا كلام قلوب ينطق به انسان = ويبين في وجهه قبل ما يقوله

ما هو كلام انسان ينطقه به لسان = احساسه بمعناه ماهو بحوله

تحسدني اصحابي على جاه سلطان = وتحسدني اعدائي على ما انوله

والمؤمن الصادق بفطرته برهان = لو ثوبه مرقع وحفيت رجوله

حكاية الدنيا يزيدونه ايمان = والفاسق ايمانه يقل ان حكوا له

وانا قبل يومين قلت الانا شان = وجه الزمان الي ذبحني فضوله

قال العقل من قلب يدفعه وجدان = يكره مظاهر الحياة العجوله

ما كل شي ايدك تطوله يا حمدان = احساسك يوافق بانك تطوله

وانا بشر لي قلب واحساس واعيان = وعندي على التمييز قدرة مهوله

انسان يملكني مع الوقت شيئان = ربي ودين مخلده في رسوله

لذلك الانسان يا ناس لو كان = بلا جرائة رأي تثقل حموله

من ينتظر فرصه من فلان وفلان = تلقى مقام المجد صعبا وصوله

{لا جمعٍ ولا طرح}

تفرقنا السنين ونجتمع والجرح نفس الجرح = على درب الفراق دموعـنا تسـبق خطـاوينا

شرحت ظروفنا للوقت لكن ما فهـم للشرح = صبرنا والصبر جمره ورا الاضلاع كاوينا

ترى وجه المتيم لو تبسـم لا تحسبه مرح = امانيه اتهاوى من عيونه مثل امانينا

بـنى من ذكرياته فى محيط العاطفه كم صرح = لكن هاج المحيط وما لقى له ساحل ومينا

يا ناس العيد ماله لون ولا لـه طعم ولا لـه فرح = واذا قلتوا وش الاسباب قلـت الله يعافينا

نلوم الوقت والقصه ما تبغي جمع ولا طرح = لأن العيب من ربي خلقنا ساكن فينا

[-••F•âٍ•Z•z•âٍ•3••-]

{ما كان له داعي}

جرحـت قلب الغرام وزدت فعنادك = تبغي الصراحة ترى ما كان له داعي

من أربع شهـور كـثـر الـصـد وش فـادك = ما غـيـر حـرضـت طـول اللـيل لإخضاعي

طـيرت الأشـواق مـن مـرفـاك و بـلادك = وذبلت رسايلك ما جاني بها ساعي

يا زين تتوقع الي حصل زادك = بالعكس ما زادك الا زاد فـاوجـاعي

الـي محيرني انك فالزعل عادك = لـلشك ولهرجـة الواشين تنصاعي

لا يكون شي في بالك صاير مرادك = اخاف قاعد تفكر تلوي ذراعي

هذا ولا الحلم سولفهـا عـلى رقادك = وشلون تبغـي تسـويها و انـا واعي

لو دمعـتك سولفـت لك بـود حـسـادك =كان الـرعـيـة تـقـيـم قيمـة الـراعي

مـن أربـع شهور وانـت مـطـول عـنادك = اسمع : ترى صدق ما للي حصل داعي

{جرح الصداقة}

كلما بنيت الحلم في القلب وكمل = قبل أعلنه يظهر صدى عداوته

وضحت همومي من ورى الخافق همل = وأحجامها حسب الوضع متفاوتة

و أنا العزيز اللي تشبث بالأمل = عسى يشوف من الزمن طراوته

درس الحياة القاسية لو اشتمل = على الجبابر لعرفوا قساوته

تلقى بعض تجارهم يمشي ثمل = مع الفقارى يرتشف حلاوته

والقاضي اللي في كلامه ما صمل = فاضي عمل مسترسل في فضاوته

كيف المطوع يخلف في قول وعمل = والمصحف الطاهر نسى تلاوته

قال المثل خل الجمل بما حمل = صافح عدوا ما يبين نقاوته

رجلا ضلوعه للحمل ما تحتمل = يحرم على رجلي حشى ما خاوته

مثل النعامه راسها تحت الرمل = ومن ظلها تشكي مدى ضراوته

جرح الصداقه في الظهر ما يندمل = عيت سنيني كلها ما داوته

{الدراهم}

اتحبني ولا تحب الدراهم = اختارلك وحدة علشان ماضيع

علاقة ما تنبني بالتفاهم = حتى تحت نور القمر يمكن تميع

ترى اهل الحب الحقيقي تراهم = مشجعين احساسهم دون تشجيع

صغيرهم يدري بقيمة غلاهم = لا يمكن تحصله معروض للبيع

مزروع في قلبي غلاك وعساهم = فدوة لبستانك وحصد المزاريع

مداك ما يشبه في عيني مداهم = يا ظبي يلي مرتعك في المرابيع

اذا زماني ما نصفني واذا هم = يبغونني انثر دموع التواديع

للحين بعده ما وصل مستواهم = المستوى شكر الحرار المطاليع

وصغار وعيوني لا يمكن تراهم = ما هي تشوف الا النجوم الملاميع

البحر ولا الموت انا كلاهم = اغرقهم واحبسهم ليابس الريع

الا اذا شفتك معاهم انساهم = كنك تقطع قلب مغليك تقطيع

لك محتوى يطغى على محتواهم = ويزيدني شوق ومحبة وتنويع

انت القمر والشمس ولا حداهم = انت الورود اليانعة والينابيع

اهل الحروب تجر لجلك حداهم = واهل الطرب تعزف لك اللحن تنويع

والاتقياء موحدين دعاهم = يحفظك ربي من عيون المقاليع

فرع وعلم هالبنات اش بلاهم = احبابك الموتى يا سيد المفاريع

في ارضهم جنة .. نجم في سماهم = اذاعة اهل الحسن وصوفك تذيع

من ما تطلع تراك حلاهم = اذا طلعت تصدع الناس تصديع

لكن لا تبعد بفكرك معاهم = لا الوصل يشرونه ولا الشوق للبيع

لو كل حاجة تنشرى بالدراهم = كان اشتريت العمر قدام لا يضيع

{هدهد سليمان}

تخاف الناس من ليلً هـذوا بـه عـقـب ما شافوا العالم غـدوا به

أنا لو مالقيت إلي لقيته لأسوي بالزمن أكبر أعجوبه

أنا دربي على العليا صنعـته ومن راد العلا يصنع دروبه

حكالـي هـدهـد سليمان عنهم وعن سـرٍ و أنا غايب حكوا به

ألا يا طير خبرني و أنا إلي مثل ذاك الجبل ياللي التقوا به

خويي الدرب ما يملك حبيبه يشوف الصاحبه غير محبوبه

قصيدي مثل ما العود المركز يدش الراس ويغير أسلوبه

صباح الخير يا أحمد محمد صباح يلعب بغـصنه هبوبه

أنا لولا المشاعر ما أتكلم عن اللي صادق أو صدقوا به

مشاعر شاعر يبغي يتحرك عقب ما كان صايبها رموا به

مدى الأيام لو تغريك تجهل فالعالم فنوا يومٍ اكتدوا به

وعلى درب المجامل والمنافق ألا يا كثر الناس قد مـشـوا به

وأنا رجلـي على الطيب اتخطـى وهي ماهـي على الطـيب مغصـوبه

ولكنـه طبع أبوي وطبع جدي بنوا لي مجد حسادي دروا به

و أنا إلي تصنع الأمجاد كفي مكان أبوي لامن غاب أنوبه

مجرد أبسط الخمـس ألاصابع على وجه الدهر تضفي عشوبه

أنا شاعر مميز في حياتي أسهل كل درب له صعوبه

وإذا تبغي بأبدل انجلـيزي و أترجـم لك بدون أية تعوبه

There Are days call of a distraction many feelings appear لما تروبه

The night and darkness has many relations it goes and comes والعالم مشوا به

إذا تكلمت عن يوم القيامة أحاسـيسي تفاجأ بها برعوبه

وبين الليل والظلما علاقة تجي وتروح والعالم بهـوا به

وأنا قلت البيوت إلي عجبتني ورحت بدرب مامنكم مـشـوا به

لو إن وجه الزمن عاقد حجاجه مدار الأرض تشكي من شحوبه

أحـس بظروف وقتي و أتفادى مصادمها لو إن ما منها صحوبه

وأحاول أمتلك عقل مفكر عباقرة الزمن ما فكروا به

كذا الإنسان احساس وعقـل قبل يبدا خطـاويه محسوبه

صنعت من الوعي مبدا تسامح لان ابن ادم كبار عيوبه

وقل للفهم ما ابدعت من نقد ما هو بصوبي ولاني بصوبه

لو إن نقد الحقيقه غير عادل لتلقى المجرم بدون أية عقوبه

بشوت سترها ماهو بضافي يحظـنها الكبير وكم ثوبه

جزاك الله خير يالليالي وذاك النجـم قوليله يا دوبه

يادوبه يقدر يضيء المجرة و أشعة شمسـنا تعلن غروبه

يا ليت البحر الاحمر يشرب إلي شربته لكن ما يقدر شروبه

مجمعة الحكي ماني بمنهم ولا أسولف بشي سولفو به

أعبر من إحساسي ما يصعب على التقليد وإلي قلدوا به

أحب الغيم لأن الغيم عالي يجسد كبرياءه في نصوبه

و أحب الطيبين ولي معاهم مثل ما للجنوبي من جنوبه

لأن مجدي مثل قصر الخليفه على الساس القوي شيدت أوبه

ولا ينقص مقامي عند غالي مدام ان هامة الطيب معصوبة

ترى كثر التجارب نجحتني وغيري كل يوم في رسوبه

أغني من طرب مرة ومره و أغني حس ياالنفس الطروبه

و خطى الطيب على الطيب جريمة لكن ما أعذربه لو عذربوا به

يناظرني بعيب ليس فيني رحمك الله لن تلقى مثوبه

ترى فصل الشتى يأتيك بارد لكن بالصيف تذبحك الرطوبه

مقادير الليالي مستمرة وسيع القفر ناس ضيقوا به

أرى خيل الزمن غارت علينا ونوقات الأحاسيس محلوبه

أجوب الأرض بأقدام المعزة ودرب ما يطاوعني ما أجوبه

لكن يا اغلى الحبايب وين دارك غدى قلبي من الفرقه لعوبه

حصان الشوق لأجل عينك سرجته ولا يصعب على مثلي ركوبه

تبسم كانك الفصل الربيعي تمخطر كنك امجاد العروبه

تثنى كن غصن اللاتثنى يذوب بهالهوى حتى يذوبه

يا ريح العود يالمسك اليماني عطور الشام لامن عيدوا به

تشبهني بخلق الله ظلما وانا قلبي مفاتنك كفروا به

ورب البيت اني قد شعرت بلحظات الفرح يوم الخطوبه

و على رمشك وعينك وخدينك سلام الله سلام ما يشوبه

كلام الـشـك والهرج المنمق والي ناظروه ومااشعروا به

أنا مؤمن بربي وألتجي به لو إن أهل الكفر ما آمنوا به

إلهي قد علمت بأن عبدك كسير القلب تقلقه ذنوبه

وكم كنت عـلى السراء فـضا وقد أعلنـت في السراء توبـه

لقد آن الأوان لدمع عين تصارع حزنها فـي كل نوبه

[-••F•âٍ•Z•z•âٍ•3••-]

{ليه وكيف}

ياهاجوسي للزمن حكمة وللمهموم والي = والابن آدم راس ماله عزته والله وكيله

اعتزالي للحياة المغرية غير اعتزالي = والدروب الدائرية والدروب المستطيلة

ومستحيلات الدروب احبها والاستحالي = ماتخوفني الدروب الكايدة والمستحيلة

هبتي فعلا تسولفه الرجال وراسمالي = ذكر شيخ لاوقف وقفته تغني عن زجيله

والقصيد يقاسم الاحساس والبيت ارتجالي = غني الساري لامنك ضقت والطرقة طويلة

لاتهاب الكوس ولا ترهبك ريح الشمالي = دامك تعرف النصر ماهي تشابه الفشيلة

لين تلقالك وطن كأنه من الفكر الخيالي = ينتميلك وانت من زود المحبة تنتمي له

وان سألت أجاوبك لكن بطرحلك سؤالي = والسؤال الي انا بطرحه لاتطلب بديله

من يعلم الاغنياء الي يحبون الريالي = عن كرم زايد وفلفسته و وقفته النبيله

ومن يفهم الاغنياء بان البحر ماهو بحالي = لاتلاطم موجه وحول على التربة مسيله

ومن يترجم لي رموز الوقت وظروف الليالي = كل رمز له حروف وكل حرف فيه ميله

ومن يسولفلي عن دموع الغلا من عين غالي = وعن احاسيس الشجر لاغرقه مزن المخيله

وعن تفاصيل الكلام الي ابيه وما طرالي = وعن تخباط المضيع يوم ماحصل دليله

وعن حنين النوق لامنها رعت خضر المفالي = وعن غرام الوادي اللي له سنة ما مر سيله

وعن صقور ماتطيح الا على روس الجبالي = ليه قامت كل عصفور تجيله تمتيليله

وعن نهار اشرقت شمسه ولا شفت الضلالي = عن طموح يمتلك غاية لكن ماله وسيلة

وكيف كل انسان يطمح بانه الشخص المتالي = وكيف انا قلبي سعيد ونفسي اللقاها عليلة

وكيف تعبر فرحة البنت اليتيمة من خلالي = وكيف ازرع حزنها فرح وضحكتها حصيلة

وكيف اخلي اسمي مقدر اذا ذكروا مجالي = وكيف اداوي بالكرم تفاهة النفس البخيلة

وكيف اوظف جهدي لتحقيق صعبات الامالي = وكيف يجيني الي انا تمنيته وانا ويشلون اجيله

وليه حظي مايساعدني اذا قل احتمالي = وليه غلطات الزميل المحترم يجرح زميله

وليه ليلي مايقدرني وانا ساهر لحالي = وليه صبحي مايفرحني كثيره او قليله

وليه ظهري بيح لصبحي سبب قلة وصالي = وليه عصري يشتكي ظهره وظلمه عند ليله

وليه ماتخلى قلوب المسلمين من التعالي = وليه جفني ماتبكيه الحمام ولا هديله

ليه والا كيف والا عن ومن هذا سؤالي = جاوبه يالشاعر الي فاهماٍ وايش اعنيله

واذا تضايق للزمن حكمة وللمهموم والي = والبنادم راس ماله عزته والله وكيله

{تناهيت المحبه}

يا أخر طموحاتي وذروة حنيني = تلبس على فاللك وأنا فالي أموت

أموت في اللبس الخفي المبيني = والشعر لامنه تناثر على الكوت

والصوره الي بين خدك وبيني = تقول للسكر تعال المس التوت

وعيونك اللي تحتها شامتيني = خيل العرب في معركة عين جالوت

كل شي يتمنى يشاركك فيني = الأرض والأشجار والبحر والحوت

يا مبرأك يا مظلمك يا ظنيني = ما ضاعلك ضايع ولا فاتلك فوت

أقسى الرجال ان شاف حسنك يليني = والبنت في جنبك تتحول لطاغوت

خذني معك بلاك أنا مايبيني = يا شعر بوراشد ويا سحر هاروت

هذي أمنياتي يا مبعثر سنيني = الود ودي نجتمع لو في تابوت

ودي أحطك ياحبيبي في عيني = وأسكر عيوني عليك أنت وأموت

وأدخل معك قبر الغرام الحزيني = واسمع تناهيت المحبه بلا صوت

{لا تغرك ضحكتي}

لا تغرك ضحكتي وإلا أسلوبي أعرف أعزاز النفوس من الرديه

كم وفوا لي ناس وكم ناس اغدروا بي كم كسبت بـطيب نيه سوء نيه

ناس من كثر المخادع ما تتوبي وناسٍ بيـضان وصداقتها نديه

و ناس أغلتني وناس أغلت جيوبي وناسٍ اطالـع ولا كأنها عميه

كل هذا والجروح تزيد صوبي و المجامل والتملق والخطيه

ما يغير ضحكة الوجه الرحوبي مد يـمناه دون ماهي موسميه

ودي إني أعطي المحتاج ثوبـي وآعطي و لا أنتظر رد العطيه

ما أجمع العالم ولا قول اسمعوا بي نفسي من أطراء خلق الله غنيه

في بعض الأشياء أتقدم و أنوبي عن بني آدم جميع وعن بنيه

سجدةٍ تغفر بها كل الذنوبي خير من عيش الحياة القاحليه

يا مسولف بي على الطرق الكذوبي عاقب الله من ظلم نفسٍ بريه

يا صحيب الخير يامثبت طنوبي النصيحه روح الإيمان القويه

الصحيح من العيوب اللي تشوبي قولها في الوجه والنية مطيه

بارك اللـه في من أهداني عيوبي و أشكره جدا ً على هذي الهديه

لا تـغرك ضحكتي و إلا أسلوبي أعرف أعزاز الـنفـوس من الرديه

كم وفوا لي ناس وكم ناس اغدروا بـي كـم كـسـبـت بـطيب نيه سوء نيه

{حـكومـة الـحـب}

سألت جفني ليه ياجفن ماتـنـام = قال اسأل القلب الشقاوي لعله

يـجاوبك لانـه هاالأيـام منـضام = سألت قلبي قال الاحساس خله

واسـأل زمانـك لانه اسباب الآلام =رحت اسأله شفت الزمن فيه عله

والأسئـلة تشـبه تفاسير الاحلام =والحلم ماتـقدر تـفسـره كـلـه

وان الليالي والثقافة والالمام = اقول لنجوم الـسـمـا والاهـلـه

ماترفع الشاعـر محـطـات الاعـلام = ولا الصـور عـلـى غـلاف الـمجـله

مايرفعه الا مقامه ليا قام = فـي مـوقـف مـا كـل رجـلٍ يـحـله

والصحف لو جفت ما جفن الاقلام = سمع قـلـوب الحاسديـن المغله

وانا قبل عامين والا قبل عام = والشعر سيفٍ لاتضايقت اسله

اركب الفكره على حـسب الالهام = واخاف من بيتٍ يـجـي فـيـه زلـه

والارض ضاقت كره والعالم اقسام = ولكل قسـم بـيـن الاقـسام مـلـه

ولا صار وضع الناس ما بين الايـام = بين المجامل والحياة الـمـمـله

ودي اكــون دولـة دون حـكام = الحب يحكمها وهي مستقله

ماحب ابدي راي او آخذ احكام = قبل اطلع على جميع الادلـه

سيـاسة المتسيد القائد العام = اللي يـقتدره الـزمـان بـسجـله

ابوي عون الجار وضعاف الايتام = اللي يفز لهم لاجوه فـ محله

الله يـعـز الـلـي يعزون الاسلام = والله يذل اللي يـحب المذله

{يوم الوداع}

لشفتني ضايق وأهل الدمع وأبكي باقتناع = لا تحزنك عيني ولا تشره على دمعاتها

أنا فقط حبيت أدربها على يوم الوداع = أحبابنا قاسين والأيام هي عاداتها

مهما جلسنا نضحك ونأخذ من الحب المتاع = لابد لحظات المفارق نرتشف كاساتها

حتى لو أكذب وأتوهم حبنا وهم وخداع = الدمعة اللي في عيوني تعكس معاناتها

حتى خفوقي لو يقول انه على بعدك شجاع = ساعة فراقك مستحيل إن يحتمل لحظاتها

كلما نظرت لرمش عينك جيت لأمرك بانصياع = تقول كن الجاذبية في هدبك إثباتها

بشبع عيوني من عيونك شوف قدر المستطاع = عل وعساها تكتفي بالشوف من لذاتها

من قبل أعرفك كان شعري من ضياع إلى ضياع = والحين يمشي بس لعيونك على مرضاتها

لو ما ذكرتك في قصيدي صار شعري في صراع = دفاتري تبغيك تتواجد على صفحاتها

{عنق الزجاجه}

ينجلي ليل وأنا حبيت داجه = في صباح هز غصن الياسميني

لا انتشى صبح الغلا وأرخى حجاجه = ينمحي هم على صدر الحزيني

ول ياليل الهجر مثقل مزاجه = يعل مثله مايعود ولايجيني

والنصيب اللي تعذرني رواجه = هو سبب فرقاك ياحلم السنيني

يا معودني بحبك واندماجه = في عروقي في ضلوعي وسط عيني

والكريم يصير ذله بانحراجه = وانت حطمت الاماني من يديني

في امان الله والدرب ازدواجه = مفرق الدروب بقت له خطوتيني

يمكن احنا عقب هذا مانتواجه = خل راحاتك توادع راحتيني

كثر ماواجهت قلبي واحتجاجه = كثر ماقدمت روحي في يميني

كثر ماقتلت السعادة في ابتهاجه = طعنتين وطعنيتين وطعنيتيني

ليين ما اخرجته مع عنق الزجاجة = والتعب يكتب نزيفه في جبيني

مابقى لك في عذاب القلب حاجة = خليني للريح واطلق ساعديني

والعذاب الي بنى بكفك سياجه = هو سبايب ماحصل بينك وبيني

انت متعدي الي حد السذاجه = تخطي وترجع وترجع تنتخيني

دام صار الحب في عينك سماجه = شوف درب لاخذيته مايجيني

انت متعاوج وودتك العواجه = لين ضاعت من يديك احلى سنيني

{هنيالي}

يا ناعم العود مزحك يذبح وجدك = يذبح وانا كل ما جا منك يحلالى

الله الله يا فتان من قدك = حتى عيونى لوصلك موجها سالى

طاحت دموعى غرام وقلت وش حدك = يادمعتى تنزلين ومركبك عالى؟

قالت مكانى خلقه الله على خدك = والا عيونك مكان الصاحب الغالى

محلاك محلاك قالت للشهد ندك = حتى الشهد ما ينافس ريقك الحالى

اهواك واغليك واقدرك واودك = والحنك شوق ويغنيك موالى

اهد بفراقك الدنيا ولا اهدك = ابنى بوصلك طموحاتى وامالى

برودت الشوق تدفى فى حضن يدك = حراره الوصل تبرد ولا تهيالى

احط راسى على منحرك واسدك = عن حب هالناس لانك حبى الحالى

قلبى يموت فغلاك ووصلى يشدك = وغلاك فى خافقجى وصورتك فى بالى

ولا انثنا رمش عينك وانتصب قدك = اشوف لون القهر فى عيون عذالى

ويقول قلبى هنيالك ومن قدك = وانا اردد مع قلبى هنيالى

أخــوكــم :

«¤§((IîI•»۩۞۩ ذيــٍـِـِـٍـٍـِـٍبْ آلْـٍـِـٍفيـٍـِـٍآفْـٍـِـٍيْ ۩۞۩«•IîI))§¤»

[سواد الليل]

ذيــٍـِـِـٍـٍـِـٍبْ آلْـٍـِـٍفيـٍـِـٍآفْـٍـِـٍيْ



قد أكون تمرّدت في إطالة التأمل..


وقد أكون أطلت المكوث هنا..


وقد أكون وقــــد أكون ......



ولكن ما أنا علــى يقـــين منــهـ


هــــو أن نقل حروفــــ تكتســي بالــــجمال

وتســـــلب الإعـــــــجاب..


أستمتعـــــت بموضوعــــــكـ ,,



تقبـــــل مــــروري المتواضـــــع ,,

[-••F•âٍ•Z•z•âٍ•3••-]

ســــــــــواد الـــــلـــــيـــــل

حضيتُ بشرف مرورك الأكثر من رائع

والذي عجزتُ أن أعطيه حقه في الرد

احساسك عذب ومرورك غاية في العذوبة

أشكرك على بصمت حروفك

فالا تحرميني بصمة من بصماتكِ

الغاليه التي زادت احرفي اشعاعا وجمالا

لا عدمنا هذا التواجد ودمتي رائعة الحضور كعادتك

«¤§((IîI•»۩۞۩ ذيــٍـِـِـٍـٍـِـٍبْ آلْـٍـِـٍفيـٍـِـٍآفْـٍـِـٍيْ ۩۞۩«•IîI))§¤»